Великопостные молитвы

Passer à la page française

Дорогие братья и сёстры, в силу всем нам известных причин, все мы сейчас вынуждено оторваны от храма Божия. Сейчас время Великого поста и молитвенного уединения. (Кстати этимологически слово «карантин» как раз и происходит от французского « quarantaine », то есть «четыредесятница», время постного уединения.)

Предлагаем Вам текст литургических молитв и песнопений, которые исполняются в храме за богослужением во время поста. Вы можете молиться ими дома.

Также не забывайте дома пить святую воду и вкушать, при наличии их Вас, благословенные сухие просфоры и артос.

Да хранит нас всех Господь и Пресвятая Богородица!

Духовенство храма.

3 седмица. Постовые покаянные молитвы pdf

Богослужебные молитвы

(Из книг «Часослов» и «Триодь постная»)

Эти молитвы можно читать дома в любое время. Их также можно добавлять к своему утреннему и вечернему молитвенному правилу.

 

Молитвы постоянные (из «Часослова»)

Молитва преподобнго Ефрема Сирина

Го́споди и Влады́ко живота́ моего́! Дух пра́здности, уны́ния, любонача́лия и праздносло́вия не да́ждь ми. (земной поклон)

Дух же целому́дрия, смиренному́дрия, терпе́ния и любве́ да́руй ми, рабу́ Твоему́ /рабе́ Твое́й. (земной поклон)

Ей, Го́споди Царю́, да́руй ми зре́ти моя́ прегреше́ния и не осужда́ти бра́та моего́, я́ко благослове́н еси́ во ве́ки веко́в. Ами́нь. (земной поклон)

 

Бо́же, очи́сти мя, гре́шнаго / гре́шную. (12 раз с поясными поклонами)

 

И ещё раз всю молитву полностью, с одним земным поклоном в конце:

Го́споди и Влады́ко живота́ моего́! …

 

Молитва ежедневная

И́же на вся́кое вре́мя, и на вся́кий час, на небеси́ и на земли́ покланя́емый и сла́вимый Христе́ Бо́же, долготерпели́ве, многоми́лостиве, многоблагоутро́бне, И́же пра́ведныя любя́й и гре́шныя ми́луяй, И́же вся зовы́й ко спасе́нию обеща́ния ра́ди бу́дущих благ. Сам, Го́споди, приими́ и на́ша в час сей моли́твы, и испра́ви живо́т наш к за́поведем Твои́м: ду́ши на́ша освяти́, телеса́ очи́сти, помышле́ния испра́ви, мы́сли очи́сти, и изба́ви нас от вся́кия ско́рби, зол и боле́зней: огради́ нас святы́ми твои́ми а́нгелы, да ополче́нием их соблюда́еми и наставля́еми, дости́гнем в соедине́ние ве́ры, и в ра́зум непресту́пныя твоея́ сла́вы: я́ко благослове́н еси́ во ве́ки веко́в, ами́нь.

 

Молитва ходатайственная

Небе́сный Царю́, ве́ру утверди́, бушу́ющую боле́знь укроти́, окружа́ющий нас мир умири́, святы́й храм наш до́бре сохрани́, пре́жде отше́дших сро́дников и зна́емых на́ших в селе́ниих пра́ведных учини́, и нас поми́луй и прости́, яко Благ и Человеколю́бец.

 

Молитва заключительная

Влады́ко Бо́же Вседержи́телю, Го́споди Сы́не Единоро́дный Иису́се Христе́, и Святы́й Ду́ше, еди́но Божество́, еди́на си́ла, поми́луй мя, гре́шнаго, и и́миже ве́си судьба́ми, спаси́мя, недосто́йнаго (раба́ твоего́ / рабу́ твою́): я́ко благослове́н еси́ по ве́ки веков, ами́нь.

 

Молитвы изменяемые (из «Триоди»)

Третья седмица Великого поста

Покаянные тропари и стихиры

Припев: Поми́луй мя Бо́же, поми́луй мя.

Поста́ наче́нше седми́цу тре́тию, Тро́ицу Честну́ю восхва́лим ве́рнии, про́чее ра́достно прехо́дяще, плотски́я же стра́сти увяди́вше от душ на́ших, цветы́ боже́ственныя пожне́м, венцы́ испле́тше Нача́льнице дней, да вси Христа́ я́ко победи́теля, венцы́ нося́ще, воспои́м.

 

Припев: Поми́луй мя Бо́же, поми́луй мя.

Тро́ице Свята́я, и Честна́я, пост в седми́цах трие́х соверша́ющия, сохрани́ це́лы и неосужде́ны, сподо́би благотещи́ и к про́чим, и вся за́поведи Твоя́ соверши́ти: я́ко до си́це дости́гнем неосужде́нно ви́дети пресла́вное воскресе́ние, пе́ния хвалу́ принося́ще.

 

Припев: Поми́луй мя Бо́же, поми́луй мя.

Пост возлю́бим, души́ стра́сти люте́йшия де́йством Духа увяда́ющий, и боже́ственная дея́ния де́яти укрепля́ющий, и ум на не́бо возсыла́ющий, и проще́ние хода́тайствующий, о ни́хже согреши́хом, да́руемое от Бо́га ще́драго.

 

Припев: Поми́луй мя Бо́же, поми́луй мя.

Посто́м и моле́нием себе́ очи́стим, и о убо́гих промышле́нием Бо́гу угоди́м. Воздохне́м, воспла́чемся те́пле, яко и́мамы вре́мя обраще́ния: да пла́ча ве́чнаго су́щаго в пла́мени гее́ны изба́вимся, сла́ву возсыла́юще Христу́, покая́ние определи́вшему челове́ком всем, обраща́ющимся мы́сли пра́востию.

 

Припев: Поми́луй мя Бо́же, поми́луй мя.

Согреши́х, испове́даюся Тебе́ Го́споди, блу́дный аз, не сме́ю на не́бо воззре́ти очи́ма, отту́ду бо отпа́д, бых окая́нен: согреши́х на не́бо и пред Тобо́ю, и несмь досто́ин нарещи́ся сын Твой, самого́ себе́ отрица́ю, не тре́бую оглаго́льников, ниже́ па́ки свиде́телей: и́мам облича́ющия мя блуд, и́мам облича́ющее зло́е житие́ мое́, и́мам посрамля́ющую одержа́щую мя наготу́, к срамоте́ же ру́бы, и́миже оде́ян есмь. Благоутро́бне Óтче, Сыне Едино́родный, Ду́ше Святы́й, ка́ющася мя приими́, и поми́луй мя.

 

Припев: Пресвята́я Богоро́дице, спаси́ нас.

Наде́жде ми́ра Блага́я Богоро́дице Де́во, Твое́ и еди́но стра́шное предста́тельство дви́жем, умилосе́рдися на безпо́мощныя лю́ди, умоли́ ми́лостиваго Бо́га, изба́витися душа́м на́шим от вся́кого преще́ния, Еди́на Благослове́нная.