0. Все рубрики,  01. Новости,  11. Воскресный святой

4-я неделя Великого Поста

Passer à la page française

Дорогие прихожане, текущий воскресный день посвящён почитанию Креста Господня, Который укрепляет нас во время поста.

Предлагаем Вам текст церковных песнопений этого воскресного дня и грядущей недели.

Да хранит Вас Господь.

Духовенство храма.

4 седмица. Постовые покаянные молитвы pdf

 

Богослужебные молитвы

(Из книг «Часослов» и «Триодь постная»)

 

Эти молитвы можно читать дома в любое время. Их также можно добавлять к своему утреннему и вечернему молитвенному правилу.

 

Молитвы постоянные (из «Часослова»)

 

Молитва преподобнго Ефрема Сирина

Го́споди и Влады́ко живота́ моего́! Дух пра́здности, уны́ния, любонача́лия и праздносло́вия не да́ждь ми. (земной поклон)

 

Дух же целому́дрия, смиренному́дрия, терпе́ния и любве́ да́руй ми, рабу́ Твоему́ /рабе́ Твое́й. (земной поклон)

 

Ей, Го́споди Царю́, да́руй ми зре́ти моя́ прегреше́ния и не осужда́ти бра́та моего́, я́ко благослове́н еси́ во ве́ки веко́в. Ами́нь. (земной поклон)

 

Бо́же, очи́сти мя, гре́шнаго / гре́шную. (12 раз с поясными поклонами)

 

И ещё раз всю молитву полностью, с одним земным поклоном в конце:

Го́споди и Влады́ко живота́ моего́! …

 

Молитва ежедневная

И́же на вся́кое вре́мя, и на вся́кий час, на небеси́ и на земли́ покланя́емый и сла́вимый Христе́ Бо́же, долготерпели́ве, многоми́лостиве, многоблагоутро́бне, И́же пра́ведныя любя́й и гре́шныя ми́луяй, И́же вся зовы́й ко спасе́нию обеща́ния ра́ди бу́дущих благ. Сам, Го́споди, приими́ и на́ша в час сей моли́твы, и испра́ви живо́т наш к за́поведем Твои́м: ду́ши на́ша освяти́, телеса́ очи́сти, помышле́ния испра́ви, мы́сли очи́сти, и изба́ви нас от вся́кия ско́рби, зол и боле́зней: огради́ нас святы́ми твои́ми а́нгелы, да ополче́нием их соблюда́еми и наставля́еми, дости́гнем в соедине́ние ве́ры, и в ра́зум непресту́пныя твоея́ сла́вы: я́ко благослове́н еси́ во ве́ки веко́в, ами́нь.

 

Молитва ходатайственная

Небе́сный Царю́, ве́ру утверди́, бушу́ющую боле́знь укроти́, окружа́ющий нас мир умири́, святы́й храм наш до́бре сохрани́, пре́жде отше́дших сро́дников и зна́емых на́ших в селе́ниих пра́ведных учини́, и нас поми́луй и прости́, яко Благ и Человеколю́бец.

 

Молитва заключительная

Влады́ко Бо́же Вседержи́телю, Го́споди Сы́не Единоро́дный Иису́се Христе́, и Святы́й Ду́ше, еди́но Божество́, еди́на си́ла, поми́луй мя, гре́шнаго, и и́миже ве́си судьба́ми, спаси́мя, недосто́йнаго (раба́ твоего́ / рабу́ твою́): я́ко благослове́н еси́ по ве́ки веков, ами́нь.

 

Молитвы изменяемые (из «Триоди»)

 

Третье воскресенье Великого поста

 

Кресту́ Твоему́, покланя́емся, Влады́ко, и свято́е воскресе́ние Твое́ сла́вим (земной поклон). Трижды.

 

Припев: Сла́ва, Го́споди, Кресту́ Твоему́ Честно́му.

Ра́дуся Живоно́сный Кре́сте, благоче́стия непобеди́мая побе́да, дверь ра́йская, ве́рных утвержде́ние, Це́ркве огражде́ние: и́мже тля разори́ся и упраздни́ся, и попра́ся сме́ртная держа́ва, и вознесо́хомся от земли́ к небе́сным: ору́жие непобеди́мое, бесо́м противобо́рче, сла́во му́чеников, преподо́бных я́ко вои́стинну удобре́ние, приста́нище спасе́ния, да́руяй миру ве́лию ми́лость.

 

Четвёртая седмица Великого поста

Покаянные тропари и стихиры

 

Припев: Поми́луй мя Бо́же, поми́луй мя.

Го́споди, грехо́в мои́х мно́жества, по мно́жеству очи́сти щедро́т Твои́х, Всеще́дре, и Крест Твой сподо́би чи́стою душо́ю ви́дети, и целова́ти, в настоя́щей седми́це воздержа́ния, я́ко Человеколю́бец.

 

Припев: Поми́луй мя Бо́же, поми́луй мя.

Всечестно́му ве́рнии поклони́мся Дре́ву, на не́мже Творе́ц всех вознесе́ся. Предлежи́т освяща́я приступа́ющия душе́ю и те́лом, скве́рну очища́я греха́, постя́щихся ве́рно, и воспева́ющих всегда́ Христа́, Еди́наго благоде́теля.

 

Припев: Поми́луй мя Бо́же, поми́луй мя.

Стра́сти смири́м теле́сныя, бра́шен отложе́нием, и сласте́й отвраще́нием, и Дре́во Креста́ облобыза́им ве́рно: зри́тся бо я́ве поклоня́емое, и вся освяща́ет Боже́ственною благода́тию, и Го́сподеви возопии́м: благодари́м Тя Благоутро́бне, спаса́ющаго Сим ду́ши на́ша.

 

Припев: Поми́луй мя Бо́же, поми́луй мя.

Воздержа́нием просвети́вше ду́ши наша, Кресту́ поклони́мся спаси́тельному, на не́мже Христо́с пригвозди́ся, и возопии́м Ему: ра́дуйся, постя́щихся сла́досте, и изве́стная по́моще; ра́дуйся губи́телю страсте́й, бесо́м сопротивобо́рче; ра́дуйся Дре́во блаже́нное.

 

Припев: Поми́луй мя Бо́же, поми́луй мя.

Я́звою Твое́ю исцели́ души́ моея́ стра́сти; ребр Твои́х прободе́нием уста́ви боле́зненная прободе́яния бесо́в; гвозьдми́ Твои́ми Христе́, изгвозди́ сластна́я и страстна́я похоте́ния, подая́ безстра́стно страсте́м Твои́м Честным поклони́тися, и воскресе́нию.

 

Припев: Пресвята́я Богоро́дице, спаси́ нас.

Не поколеба́в небе́сная, во утро́бу Твою́ Бог всели́ся, гра́де Бо́жий избра́нный: на кресте́ же ви́ся, тварь поколеба́. Его́же моли́, на недви́жемом ка́мени его мне соблюсти́ся.

 

 

Добавить комментарий

Ваш e-mail не будет опубликован. Обязательные поля помечены *